कधी कधी दोन अतिशय कर्तबगार माणसं एकाच कालखंडात आणि एकाच क्षेत्रात कार्यरत असल्यावर दोघांपैकी एकाला जरा झुकत माप मिळत आणि त्यामुळे दुसऱ्या कर्तबगार माणसावर किंचित अन्याय होण्याची शक्यता बळावते. दोघींची महानता सारखी असूनही पहिल्याच्या तुलनेत दुसऱ्याला हवा तितका सन्मान मिळत नाही. हे सर्वच क्षेत्रात असतं. लौकिकाने श्रेष्ठ पण तरीही नंबर २ वर असणारी माझी आवडती माणसं पुढीलप्रमाणे.
अभिनेते : जेव्हा शाहरुख, सलमान, आमिर, अक्षय, अजय हे बॉलीवूड गाजवत होते, तशे ते आताही गाजवतात तेव्हा एका नवख्या अभिनेत्याने या सगळयांना टक्कर देत तुफानी पदार्पण केलं होत. तो म्हणजे ह्रितिक रोशन. बॉलीवूड चा शेवटचा सुपरस्टार. वरील सर्वांच्या तुलनेत मला ह्रितिक आवडतो.
या सगळयांना पुरून उरात त्याने आपलं साम्राज्य उभं केलय. आजही तो ते सांभाळून आहे. वरील सर्व आणि ह्रितिक या आघाडीच्या अभिनेत्यांचा तुलनेत मला मग इरफान खान, के के मेनन हे पण खूप आवडतात. फक्त आपल्या अभिनयाच्या जोरावर मोठी झालेली हि दोन नावं, त्यासाठीच खास आहे.
अभिनेत्री : माधुरी दीक्षित, राणी मुखर्जी , काजोल या जेव्हा सुपरस्टार होत्या तेव्हा हि मला यांच्या तुलनेत तब्बू आणि प्रीती झिंटा आवडायच्या, आजही आवडताच. आताच्या जनरेशन मधील आलीया भट आणि श्रद्धा कपूर जरी तुलनेने जास्त यशस्वी असल्या तरी मला या दोघींपेक्षा जास्त आवडते ती परिणीती चोप्रा.
संगीत : कुमार सानू आणि अलका याग्निक हि दोघेही ९०च्या दशकातील गाण्यांमधली अढळपद मिळालेली जोडी आहे. सर्वात जास्त गाणी हि यांनीच गायलीय, तसेच सर्वात जास्त अवॉर्ड हि यांनाच मिळाले आहे. तरीही यांच्या नंतर ज्या जोडीचा नंबर येतो ती माझी जास्त आवडती आहे. ती जोडी म्हणजे उदित नारायण आणि कविता कृष्णमूर्ती. तुलनेने सानू-अलका पेक्षा कमी गाणी, पण माझी नेहमीच फेव्हरेट असलेली जोडी.
क्रिकेट : गेल्या दोन दशकांपासून क्रिकेट बघतोय, यात खेळाडूंच्या दोन जनरेशन होऊन गेल्या. पहिल्या जेनरेशन मधली क्लासिक केस हि सचिन तेंडुलकर आणि राहुल द्रविड ची आहे. सचिन हा ऑल टाइम महान खेळाडू आहे. सर्वश्रेष्ठ फलंदाज आहे. पण द्रविड हि तितकीच गुणवत्ता असलेला. पण दुर्दैवाने सचिन असताना पदार्पण करायला मिळालेला असा खेळाडू. सचिन च्या महान कर्तृत्वापुढे द्रविड च मोठेपण खरंच झाकोळल गेलं. द्रविड ने प्रत्येक वेळी संघासाठी दिलेलं योगदान, बिकट परिस्थिती आधार, वर्ल्डकप मध्ये केलेली विकेटकिपिंग या सर्व गोष्टी त्याची महानता दाखवायला पुरेशा आहेत. द्रविड जर दुसऱ्या देशाकडून खेळाला असता, तर त्याला त्या देशातील क्रिकेटमधील सर्वोच सन्मानाने सन्मान केला गेला असता. दुसऱ्या जनरेशनमधली केस हि विराट कोहली आणि रोहित शर्मा ची. सध्याचा काळातील विराट हा क्रमवारीत एक नंबर आहे आणि रोहित दोन नंबर, बस याहून अधिक काय सांगणार. तरीही माझा ऑल टाइम फेव्हरेट रोहित शर्माच.
फुटबॉल आणि टेनिस : ब्राझील च्या टीम चा मी अगोदरपासूनच चाहता राहिलोय. रोनाल्डिन्हो, रोनाल्डो जेव्हा पूर्ण जग गाजवत होते. तेव्हा मला त्यांच्या टीम मधला त्यांचा जुनिअर पण त्यांच्याइतकाच प्रतिभावान असा काका आवडायचा. आताच्या काळातील फुटबॉल मधेही मेस्सी, रोनाल्डो, नेयमार यांच्याइतकाच नेदरलँड चा रॉबिन पार्से, सुआरेज, एम्बापे हे आवडतात. टेनिस चा राजा जरी रॉजर फेडरर असला तरी माझा नेहमीच आवडता राफेल नदाल राहिला आहे.
अशी माझी नंबर २ वर असणाऱ्या आवडत्या लोकांची यादी आहे. नंबर २ वर असणाऱ्या माणसांबद्दल नितांत आदर, तितकंच मनापासून प्रेम आहे. आणि पहिल्याच्या तुलनेत तीच मला जरा जास्त आवडतात. माझ्या नजरेत ते नेहमीच विजेते आहे.
शुभम शांताराम विसपुते
