तान्हाजी - पोस्टर रिव्ह्यू

अजय देवगण च्या आगामी "तान्हाजी" सिनेमातील एक एक पात्रांचा परिचय देणारे पोस्टर्स प्रदर्शित होताय. तान्हाजी च्या भुमिकेतील अजय देवगण आणि उदयभान च्या भूमिकेतला सैफ अली खान यांची पोस्टर्स प्रदर्शित झाली आहे, आणि आज साक्षात शिवप्रभूंच्या भूमिकेतील शरद केळकर यांचे दर्शन झाले. आजवर मी पाहिलेल्या मराठी किंवा हिंदी सिनेमातील/मालिकेतील शिवाजी महाराजांच्या भुमिकेत इतकं परफेक्ट नाही दिसलं कोणी, 

महाराज म्हणजे धारदार नाक, आणि तेजस्वी डोळे एव्हढेच नाहीय, तर मध्यम उंची, बांधा आणि धारदार आवाज , संवादफेकही खूप महत्त्वाची. एक उंची चा मुद्दा सोडला तर बाकी सर्व बाबींमध्ये शरद केळकर उजवे ठरताय. 

गेल्या ४-५ वर्षांपासून मराठ्यांच्या इतिहासावर बॉलीवुड सोबतच मराठीमध्ये ही उत्तम चित्रपट येत आहेत. बाजीराव मस्तानी पासून सुरू झालेला हा प्रवास फर्जंद, हिरकणी, फत्तेशिकस्त ते आगामी पानिपत, तान्हाजी पर्यंत येऊन ठेपला आहे. आता फक्त एकच मनापासून इच्छा आहे की, शिवरायांवर जागतिक दर्जाचा सिनेमा भारतात तयार व्हावा, आणि तो जगभरात प्रदर्शित केला जावा, बस्स!

तानाजींच्या भूमिकेत अजय, उदयभान च्या भूमिकेत सैफ आणि छत्रपतींच्या भूमिकेत शरद दादा त्यांच्या भूमिकांना न्याय देतील असा मनापासून विश्वास आहे. त्यातल्या त्यात शरद केळकरांना बघणं औत्सुक्याचे ठरेल....

शुभम शांताराम विसपुते